市集終於都圓滿結束了，真心真心真心多謝每一位觀眾的黎臨同支持，只係短短幾分鐘閒談時間，小弟深深感受到咩係愛，你地每一位的說話我都放左係心到，會時時刻刻提醒自己，拍片依條路唔止得自己一個，仲有觀眾們的你地，一步一步咁一齊行出黎，我真係好愛你地🤭🤭
第二要多謝就係我的三位拍檔，只要Jimmy有難，三位必定義不容辭拔刀相助，好記得擺市集前一日，我好多貨都仲未整好，檔口又未搞點樣放，價錢又未定，我只係Whatapp一句：快要死掉了。兩位收工立即衝黎我屋企，大家夾口夾腳好快就完成。佢地知道第二朝要早起身一齊出發擺檔，但佢地都肯一齊做深夜四五點，仲有🍋，本身擺市集個拍檔因病不能幫手，直至當日先收到通知，個一刻真係企左係到，🍋好冷靜講左句，我黎幫你同伴你。兩日佢都坐係到幫手剪貼紙，又幫手招呼，仲要兩日都一早起身準備到會場，你叫我點樣報答你地三位？ 希望我會成為你地楊千嬅的歌咁：最好的債
第三：好多觀眾都有問份禮物入包曲奇係咪我整，當然唔係啦，我邊有咁好手藝，我出名叫地獄廚神，睇開片的都一定知啦🤣包曲奇係一位觀眾整咖，早一段時間決定要準備禮物比各位時我第一時間就諗起 @kaman_cookies ，當約交收時諗住係擺市集前幾日交收，咁就可以有時間包裝，但原來曲奇無加任內防付濟，最多可以放一至兩日，Kaman好好第一時間話市集當日到達會場幫手包裝，因為我留左拍檔電話比佢，當日佢搵唔到我，我地又衰遲到，佢係門口等我地，仲一手一腳包裝，因為開檔我都抽唔到手幫手包裝，真心要多謝同感謝你Kaman🙏🏻🙏🏻 好多觀眾都話好好味啊，唔會過甜好健康的感覺，第時有咩生日或其他活動，首選一定係你咖！下年新年我會搵你買禮盒😬😬
第四：又點少得 @iam.manson 我第一次擺市集，咩都唔識學你話真係成舊雞咁，你幫我解答左好多好多問題，第一日收工後明明仲有工作在身都推哂黎支持，我一定銘記在心，我話過！只要你開聲叫幫手，我一定唔會say No!
我都知我真係好長氣，多謝的說話講到依到啦，黎緊的日子我會把重心放返落工作同Youtube到，黎緊日子會再擺市集的，我地Youtube見啦。
我愛你 我愛你地啊！❤️❤️❤️❤️❤️❤️❤️
Search